7/4/2007 第1日...香港>>泰國>>信不信由你奇趣館>>69!人妖真人show...

我們終於回來了!!!...呢五日話咁快就過...真係好快!!...不過真係好好玩!!!!...

我地今次既陣容有我、apple、小宏、亞雪＆亞輝５個...今次我地既起飛時間係11:50am...比起上次去韓國遲左兩個鐘...可以唔駛咁早起身...正!!!...

去到泰國新機場後...我地先坐旅遊巴去芭堤雅逗留兩日...沿途突然落起大雨...我地今次既香港領隊梁小姐(Cutsin)同泰國導遊阿Roy話泰國都成個月冇落過雨咁滯...我地第一站係去"信不信由你奇趣館"...我地去到玩左四樣野...第一樣:立體迷宮...一開頭入到去覺得好恐怖...個個都唔敢行...好搞笑!!...因為熄晒燈...伸手不見五指...我地以為會有鬼...但之後發覺佢只係一個迷宮...唔會有鬼...第二樣:超立體4D影像館...其實我覺得呢個嘛嘛地冇咩特別...佢係好過香港海洋公園果個...但我覺得上次韓國果個正ｄ...第三樣:鬼屋...我諗呢個係我玩過咁多鬼屋之中最恐怖既一個...佢真係好恐怖...全部人要拎住一條繩向前行...一入到去又係熄晒燈...我地都係靠攞住個電筒照下照下...我企第五個...我、小宏同亞輝差ｄ俾佢嚇到賴尿...第四樣:信不信由你...呢個係全球唯一收集奇趣事物於一身既奇趣館...好似有人皮製成既面具、縮小至僅有三吋既真人頭顱、用一百萬枝火柴砌成既鐵達尼號、有四隻眼睛既男人等等...

睇完咁多樣古怪野之後...我地去左食我地泰國之旅第一餐dinner...其實都算係食番中菜...都係七餸一湯...白飯任裝...但我覺得呢餐嘛嘛...食飽後我地去睇泰國最出名既人妖show...呢個並唔係一個普通既人妖show...呢個係現時泰國最hit最update既一枝獨秀人妖show...佢叫做69!六九!秀中之王人妖show...即係一絲不掛果隻...今次真係大開眼界...真係好激好激!!...簡直係挑戰四級限度...有男同女...男同男...妖同男...妖同女等...基本上你諗到既招式都有...亞雪仲睇睇下忍唔住出左場對住個垃圾桶狂嘔...佢話覺得好嘔心...阿Roy仲話帶團咁耐都未見過有團友嘔...好搞笑!!

之後我地去左芭堤雅既一個商場(Mike Shopping Mall)買泳褲泳衣拖鞋...準備明天去珊瑚島著...不過我唔駛買...因為我今次準備充足...係亞雪小宏佢地要買...但呢個商場真係唔得...基本上你去過一次係唔會想再去!!...之後輝叔仲o係出面生果檔買左個70銖($17)既芒果...真係貴到嘔!!...

話咁快就到左夜晚...我地第一同第二晚都會入住芭堤雅既Ambassdor City Jomtien Hotel...佢係一間郊外既酒店...環境都算唔錯!!...Goodnight!!...zZzzZzzzZzz.....Very Nice!! (待續...)

>>(p.s.部份圖片可能會引起觀眾不安,敬請留意!!)

今次既飛機餐有黑椒雞飯...食完之後覺得都唔錯!!

泰國曼谷新機場.....

我地既行李.....

今次為我們服務既旅遊巴.....

今次既泰國導遊阿Roy.....

由機場去芭堤雅時落起大雨(狗屎).....

唔夠一個鐘又雨過天晴.....

今次我地換左二千五佰蚊港紙.....

第一站我地會去"信不信由你奇趣館"先.....

我地第二日會由呢個海灘搭快艇入珊瑚島.....

到左"信不信由你奇趣館"門口.....

呢間係我玩過咁多間鬼屋最恐怖既一間...膽小真係唔好去!!!!.....

你地估下呢隻係唔係一隻鴨？?？...

反轉的面具.....

開估:其實佢係一隻兔仔.....

全世界最細小既人...你地信唔信？

呢個人個口可以放到三粒波...你地信唔信先？

以前其中一個行刑既方法.....

用一百萬枝火柴砌成既鐵達尼號.....

呢個男人俾一支鐵棒穿過身體都唔死得...你地信唔信先？

連體兄弟..........

擁有六隻手指及腳指既人.....

你地估下呢個係真人定係假人？

呢個男人俾鯊魚咬到咁都唔死得!!.....

我地去左呢間餐館食我地泰國之旅既第一餐晚飯.....

食完飯後我地去左呢間六九睇人妖真人show...因為裡面唔俾帶相機...所以只能影個門口.....

睇完之後都幾嘔心!!...簡直畢生難忘!!...亞雪睇完仲嘔埋出黎添!!!.....

亞輝買左個70銖既芒果...真係貴到嘔!!!!.....

我同小宏ｄ行李.....

酒店望落去個view.....

待續．．．．．．Ｖeｒy Ｎiｃe！!！!