03年個時, 去左一次台北. 其實台北呢d地方, 十個香港人都應該有五六個去過, 所以今都唔會集中係講有咩景點, 好咩好玩. 但最精彩o既地方反而係旅伴o既組合. 因為今次去o既唔只我同清水, 仲有小肥羊, pizza, 羅雄同阿藩, 呢個團隊簡直係吃喝玩樂團, 大家有無盡話題, 一大籮笑料, 所以至今都非常懷念個次. (之係其實清水再返九份同烏來, 不過個玩法完全唔同, 偏向浪漫d).

呢次行程又係由小弟策劃, 不過就有驚心動魄o既開始. 個次為左慳錢, 我就見到報紙有d 旅行社agent有d好平o既機票, 於是就同大家商量, 去唔去個d agent訂, 可能大家都唔係好識行規, 所以我同小肥羊就好無知咁上去啦.

上到去, 都唔係好覺有咩問題, 但係問極個counter職員 (有d花靚feel), 話想訂d平機票, 一係就話個班無位要坐高一個grade, 一係就話個班未成到團, 可能臨尾成唔到團就出唔到發..... 唉...始終都係經驗淺, 心諗無理由請左個假, 最後搞唔成團o家, 於是, 唯有訂左貴d個隻package. 點知, 過左幾日, 我去俾埋尾數, 個agent竟然話機票唔會即刻有得攞, 要去到機場搵領隊先派俾. 原來佢地係當一團咁同airline買, 就算打去airline都未必check乘客資料....shit!!! 我同小肥羊只係擰住6個 labels (有笑臉個隻), 就走左. 個個幾禮拜, 真係提心吊膽, 好無安全感, 全無喳嗱, 錢事少, 驚成班friends無得去玩嘛! 所以之後都唔敢搵個d agent訂package啦!

差唔多到桃園機場, 高空眺望下面o既田地

6條粉葛到達台北, 即刻做落地簽証 (小肥羊成個黑金大佬咁)

第一晚去左麻辣王食din, 唔係好辣, 可能佢地調較過, 但好抵食同好多野揀, pizza同清水仲不斷食雪榚添

去士林夜市, 兩個中女, 捉住可愛小女孩影相

係西門町附近買左d煙花黎燒

神雞咁早搭大巴去六福村, 但俾兩條o靚仔猛唱歌, 搞到係車到睏得唔好, "da da da...dada"

全程係個腦度都係呢幾個音!!

係六福村個個都想親吻大自然, 有d人仲會變身hell walker添

唔好以為清水企定定影就無事, 之後佢企左係馬欄個度, 就俾隻馬橫腰咁咬左一野, 好在著左厚衫同幸得阿藩出手拉走佢, 佢再慒慒咁楝篤企係度喎, 真係嚇死人!

跟手我地6條友玩左好多機動遊戲. 大怒神 (跳樓機), 過山車, 濕身機動.....

係場裡面買雨褸, 一來玩d要衝落水o既游戲, 另一方面個日係有落驟雨

個角度真係咁直咁高咁衝落黎, 最後無人夠膽玩, 但一定好刺激

尾二個日我地出發去烏來浸溫泉, 坐捷運轉公巴

兩條友仔扮哂野, 其實.....

......係度"目及"女

烏來櫻花好靚, 溫泉蛋, 黑山豬串, 同竹筒飯都好好味

泰族手工藝, 好似玩揮春咁!

清水早幾年都仲可以扮下可愛....歲月不留銀...哈!


走啦, 難忘地瓜粥, 難忘九份臭豆腐, 難忘local女領隊, 難忘6人一齊住時鐘酒店睇4仔....

難忘大家呢4日3夜勁開心!!